Тантум Роза® (0,1 %)

Тантум Роза®

Бензидамин

0.1% қынаптық ерітінді

Несеп-жыныс жүйесі және жыныс гормондары. Гинекологиялық ауруларды емдеуге арналған басқа препараттар. Қынап ішіне қолдануға арналған қабынуға қарсы препараттар. Бензидамин.

АТХ коды G02CC03.

• аздаған қынаптық бөліністермен, қышынумен, тітіркенумен, күйдіріп-ашытумен және вульваның аймағындағы ауыруымен бірге жүретін кез келген этиологиядағы және сипаттағы вульвовагинит.

• босанғаннан кейінгі жеке гигиена.

Қолдануды бастағанға дейін қажетті мәліметтер тізбесі

- белсенді затқа немесе кез келген қосымша заттарға аса жоғары сезімталдық.

Қолдану кезінде қажетті сақтық шаралары

Препаратты ұзақ уақыт қолдану жоғары сезімталдыққа әкеліп соғуы мүмкін. Мұндай жағдайда препаратты қолдануды уақытша тоқтатып, тиісті емдік шаралар жүргізіледі.

Қынаптан қан кеткен және/немесе лейкорея жағдайында пациентке бұл препаратты қолданар алдында дәрігерге барған жөн.

Басқа дәрілік препараттармен өзара әрекеттесуі

Басқа дәрілік препараттармен өзара теріс әрекеттесуі анықталмаған.

Арнайы ескертулер

Тантум Роза ішке қабылдауға болмайды.

Тантум Роза құрамында бензалконий хлориді бар, ол тітіркендіргіш және жергілікті тері реакцияларын тудыруы мүмкін.

Жүктілік немесе лактация кезінде

Жүктілік және лактация кезеңінде бензидаминді жергілікті қолдану үшін қарсы көрсетілімдері жоқ.

Препараттың көлік құралдарын және қауіптілігі зор механизмдерді басқару қабілетіне әсер ету ерекшеліктері

Препараты көлік құралдарын басқару және механизмдермен жұмыс істеу қабілетіне әсер етпейді.

Қолдану жөніндегі нұсқаулар

Дозалау режимі

Қатарынан жеті күн бойы күніне 1-2 рет қынапты шаюға.

Бөлме температурасындағы ерітіндіні қолдануға болады. Қажет болған жағдайда жабық құтыны ағынды ыстық судың астына ұстау арқылы ерітіндіні аздап жылытады.

Артық дозаланған жағдайда қолданылуы қажет шаралар

Тантум Роза тек қынапты шаю үшін қолданылады. Препаратты дұрыс қолданған кезде артық дозалану жағдайлары тіркелмеген.

Тантум Роза ішке қабылдауға болмайды.

Уыттану тек бензидаминнің көп мөлшерін кездейсоқ жұтқан жағдайда (> 300 мг) күтіледі.

Жұтып қойған бензидаминнің артық дозалануына байланысты негізгі симптомдар, асқазан-ішек симптомдары және орталық жүйке жүйесінің симптомдары. Ең жиі асқазан-ішек симптомдары - жүрек айнуы, құсу, іштің ауруы және өңештің тітіркенуі. Орталық жүйке жүйесінің симптомдарына бас айналу, галлюцинация, қозу, мазасыздану және тітіркену кіреді.

Жедел артық дозаланғанда тек симптоматикалық ем көрсетіледі. Пациентті мұқият бақылау және демеуші ем тағайындау қажет. Пациенттің тиісті гидратациясын қамтамасыз ету керек.

Егер сіз дәріні кездейсоқ жұтып қойсаңыз, дереу дәрігерге немесе фармацевтке хабарласыңыз.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Қосымша сұрақтар туындаған жағдайда дәрігерге немесе фармацевтке жүгіну қажет.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Кейде, әсіресе препаратты ұзақ қолданған жағдайда, терінің тітіркенуі болуы мүмкін.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз:

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттарды және медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

100 мл ерітіндінің құрамында

белсенді зат - 100 мг бензидамин гидрохлориді, ол 89,46 мг бензидаминге баламалы;

қосымша заттар: бензалконий хлориді, динатрий эдетаты, этанол 96%, полисорбат 20, раушан майы, тазартылған су.

Сыртқы түрінің, иісінің, дәмінің сипаттамасы

Раушанға тән иісі бар түссіз мөлдір сұйықтық.

Шығарылу түрі және қаптамасы

140 мл препараттан ақ түсті канюлялы қақпағы бар және канюляны қорғауға және жапсыруға арналған жартылай мөлдір қақпағымен бағыттаушы қондырғысы бар қызғылт түсті құтыларға құяды.

5 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салады.

4 жыл

Жарамдылық мерзімі өткеннен кейін қолдануға болмайды!

Жарықтан қорғалған жерде, 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

Азиенде Кимике Риуните Анжелини Франческо А.K.Р.А.Ф. С.п.А., Италия/ Aziende Chimiche Riunite Angelini Francesco A.C.R.A.F. S.p.A., Italy

Мекенжайы: Виа Веккио Дел Пиноккио 22, 60100, Анкона, Италия/ Via Vecchia Del Pinocchio 22, 60100 Ancona, Іtaly

Телефон: 0039 0691045 270

Факс: 0039 0691045 299

Электронды пошта: t.picotti@angelini.it

Тіркеу куәлігінің ұстаушысы

Азиенде Кимике Риуните Анжелини Франческо А.K.Р.А.Ф. С.п.А., Италия/

Aziende Chimiche Riunite Angelini Francesco A.C.R.A.F. S.p.A., Italy

Мекенжайы: Виале Амелия 70, 00181 Рим, Италия/ Viale Amelia 70, 00181 Rome, Іtaly

Телефон: 0039 0691045 270

Факс: 0039 0691045 299

Электронды пошта: t.picotti@angelini.it

Қазақстан Республикасы аумағында тұтынушылардан дәрілік зат жөніндегі шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)

«МЕРЛИН КЭПИТАЛ ИНВЕСТМЕНТС ЛЛП»/ «MERLIN CAPITAL INVESTMENTS LLP» Серіктестігінің өкілдігі, Достық даңғ., 105, 050051, 301А кеңсе, Алматы қ., Қазақстан Республикасы

Тел/факс: +772 731 71464

Электронды пошта: gulmira.pharm@yahoo.com

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Registrarius» ЖШС. Қазақстан Республикасы, 050036, Алматы қ., Мамыр-1 ықшам ауданы, 29 үй, 159 пәтер. Тәулік бойына телефон: +7-717-272-72-31; e-mail: pv.kz@biomapas.eu